Skeireins leaf 7
- Skeireins 7:1
-
E
.... _ahun kunnandins fraujins maht jah andþaggkjandins sik is waldufneis.
- Skeireins 7:2
-
E
nih <i>st ains ak jah Andraias, saei qaþ: «ist magula ains her, saei habaiþ ·e· hlaibans barizeinans jah twans fiskans», analeiko swe Filippus gasakada, ni waiht mikilis hugjands nih wairþidos laisareis andþaggkjands, þairh þoei usbar qiþands: «akei þata hva ist du swa managaim?»
- Skeireins 7:3
-
E
iþ frauja andtilonds ize niuklahein qaþ: «waurkeiþ þans mans anakumbjan.»
- Skeireins 7:4
-
E
iþ eis at hauja managamma wisandin in þamma stada, þo filusna anakumbjan gatawidedun, fimf þusundjos waire inuh qinons jah barna swe at mikilamma nahtamata anakumbjandans at ni wisandin aljai waihtai ufar þans fimf hlaibans jah twans fiskans, þanzei nimands jah awiliudonds gaþiuþida, jah swa managai ganohjands ins wailawiznai ni þatainei ganauhan þaurftais im fragaf, ak filaus maizo; afar þatei matida so managei, bigitan was þizei hlaibe ·ib· tainjons fullos, þatei aflifnoda.
- Skeireins 7:5
-
E
«samaleikoh þan jah andnemun þize fiske, swa filu swe wildedun.»
- Skeireins 7:6
-
E
nih þan ana þaim hlaibam ainaim seinaizos mahtais filusna ustaiknida, ak jah in þaim fiskam.
- Skeireins 7:7
-
E
swa filu auk [swe] gamanwida ins wairþan, swaei ainhvarjammeh, swa filu swe wilda andniman is, gatawida; jah ni in waihtai waninassu þizai filusnai wairþan gatawida, akei nauh us þamma filu mais siponjans fullafahida jah anþarans gamaudida gaumjan, þatei is was sa sama, saei in auþidai ·m· jere attans ize fodida.
- Skeireins 7:8
-
E
«þanuh biþe sadai waurþun, qaþ siponjam seinaim: galisiþ þos aflifnandeins drausnos, ei waihtai ni fraqistnai. þanuh galesun jah gafullidedun ·ib· tainjons gabruko us þaim ·e· hlaibam barizeinam jah ·b· fiskam, þatei aflifnoda at þaim» ....
previous | next | xml